سيبينى

حبيبتى عمرى ماقلتها لحد قبلك
ولا افتكر بسهولة بعدك
دبنا وعلينا لفوق لفوق
ومفكرتش أبدا فى يوم أفوق
وكنتى تقوليلى أنا مش أدك
فى حبك ليا وأنا صدقتك
هبعد ياغالية عنك وأشوف
صحيح حبتينى ولا دى ظروف
خلتك ليالى عايشة فى حضنى
شكله مكنش حب ده خوف
شوفى حياتك كده من غيرى
واوعى تهربى ليا من الظروف
دا أنا صدقت عينك وقلبك
وغنيت لك بكل الحروف
كان ذنبى يمكن انى حبيتك
وسلمت لك من بين ألوف
جربى يلا البعد عنى
يمكن أنا سبب الخوف
روحى كده جربى غيرى
وأنا مستنى هنا وهنشوف
كلها يومين وترجعيلى
ووقتها هقول من غير كسوف
مبقتش ليكى خلاص ياعمرى
وجربى بقى طعم الخوف

انتهينا خلاص

ماخلاص انتهينا وكان اللى كان
والرسالة بانت من العنوان
مفكرتش ان اللى أوله حب أخره ضيعان
وحياتى كلها بقت حيرة وتوهان
نفسى أعيش زى أى انسان
وأنسى اللى راح واللى كان
وأشوف حياتى والا أنا كده هلكان
وياريت يرجع بيا الزمان
مكنتش أخلى حبى ليكى يبان
وكفاية كنت هشوفك وأنا لسة فرحان
وكان يبقى عذابى أهون من انى أعيش حيران
دا أنا كل ليلة علطول كده سهران
جرحك بسببه مقدرش أنام
ولو نمت أكون بغدرك حلمان
وأقوم من نومى فزعان
لأن غدرك كان غدر جبان
فاكرة ممكن أستناكى بعد اللى بان
بعينك ياللى كنت فاكرك أغلى انسان
انتى ملكيش حبيب فى انس ولا جان
واللى يقبل بيكى يكون بعقله جنان
أو يكون أضل منك وفاكر هو الكسبان
أيوة أنا غلطان انى يوم صدقتك
وكنت أنا فى الاخر مظلوم وخسران
بجد صدقينى على حبك ندمان
دا أنا كنت بشوف ظلك فى كل مكان
وبسمع صوتك وهمسك كمان
خسارة أى لحظة كنت فيكى سرحان
كفاية كده وللا أقول كمان
اللى زييك يعرف يخدع وبس
اللى زييك عمره مايكون انسان
انتى أقل من كده بكتير ......وللا غلطان؟

TOGETHER 4 EVER

مشتاق

مشتاق أشوفك وانتى عارفة
أنا بيكى بنسى الدنيا ديا
اصبر ياقلبى دا حبيبى شكله
سايق تقل ودلال عليا
وقلبى وأنا ازاى نعيش
وحبيبى ثانية يغيب عليا
هفرح وأطير من فرحى يوم
ماأشوفك معايا قدام عينيا
علمتنى أحب وأفرح
ولايوم أخون ولاأقدر أجرح
لو يو أسيبك هغرق فى شوق
وفى ثانية أرجع مهو مش بشوقى
دا القلب تاه والروح معاه
من يوم ماعلقنا فى هواه
وأيام سايبنا على حالنا واحنا
تايهين بعيد ولايوم فرحنا
خايف حبيبى بعدك يطول
ولو ده حصل أنا مش هقول
تانى ارجع ياحبى لانه مش معقول
اعيش فى حيرتى كده علطول
وازاى بتقدر تقوى قلبك
وللا أنا بقى مش جوا قلبك
لو كنت حبيبى ارجع قوام
او أفوق أنا من الاوهام
وأقول خلاص كفاية وسلام
وهعيش على أحلى ذكرى
دا أنتى حبيتى ولا مش فاكرة
أيام ماكنا صورتين لروح
وايدى فى ايديكى مكان ماروح
وارجع حبيبى ولو بعد سنين
هخدك فى حضنى وكلى حنين
مهو مش بايدى ولو حبى ضاع
يبقى قولى على الحب الوداع
دا حبى مش أخره يوم أو يومين
دا يعيش ياعمرى أجيال وسنين
هستناك ولو كان ده جنون
ويارب بس الايام تهون
ويوم أشوفك تانى فى حضنى
تعالى بقى حبيبى خدنى
وحشانى والله السود عينيك
وبرضو هفضل كده مستنيك

ارجع

لما تغيب ثانية عن عيونى

روحى وقلبى بيخاصمونى

ويحلفوا والله مايسامحونى

غير لما ارجع وانا وياك

رحت بعيد وسايبنى لمين

ده مافيش زى عينيك حلوين

والله واحشنى يانور العين

غبت وخدت الفرح معاك

ارجع بقى ياحبيبى مشتاقلك

وحياة حبى انا محتاجلك

انا جربت كتير من بعدك

ومفيش ابدا زى هواك

ياحبيب عمرى قرب شوية

قرب كمان دا انت اللى ليا

قرب منى وبص فى عينيا

هتلاقى صورة احلى ملاك

ولما جتنى

عينك نادتنى

روحك خدتنى

وفى ثانية راحت روحى معاك

طب ليه تشغلنى وتحيرنى

على ايه تهجرنى وتسهرنى

دا انا ليك وعمرى كله معاك

بناديك ياحبيبى انا بهواك

ياحبيبى أنا

ياحبيبى انا أنا من زمان مستنى اهو فى نفس المكان

مشتاق لحضنك اللى كان جواه بلاقى كل الامان

دا معاك عرفت معنى الحنان وخلاص تعبت وشوقى بان

أعملك ايه طب قوللى بس والله انا من غير ما حس

بستنى فيك كل يوم اقول هيرجع وانسى الهموم

يا حبيبى انا انت حياتى واغلى ماليا فى ذكرياتى

الشوق كاوينى طول ليلاتى ارجع بقى وارحم اهاتى

أعملك ايه طب قوللى بس والله انا من غير ما حس

بستنى فيك كل يوم اقول هيرجع وانسى الهموم

ياحبيبى انا حن لحبيبك تقلك ياغالى ده بس عيبك

مستنى برضو شوقك يجيبك ولما تيجى ابدا ما اسيبك

أعملك ايه طب قوللى بس والله انا من غير ما حس

بستنى فيك كل يوم اقول هيرجع وانسى الهموم

هغيب

يرضيك ياغالى تفضل بعيد من امتى كده بتقدر تغيب

سايبنى وحدى الشوق كاوينى وقلبى والله مليان لهيب

طب قوللى ليه البعد طال وأنت المنى وأنت النصيب

أخاف البعد يقسى قلبك وأكون أنا زى الغريب

أنا والله ماأقدر أبدا ياعمرى غير أنى أكون منك قريب

ارجع بقى وحن لحبيبك دا أنت هنايا وأغلى حبيب

بستنى يوم لقاك وقلبى يقول يارب يكون قريب

لو كان ده هجر لازم تقوللى وأظن ده حق الحبيب

معقول راضى ببعدى عنك يبقى من النهاردة هغيب وأغيب

وياك

كل يوم ياحبيبى مشتاق اشوفك جنبى

حن بقى ياحبيبى وتعال وارحم قلبى

مشتاق تكون ويايا ارضى بقى يا منايا

من يوم ماقلبى هواك بغنى أحلى غنايا

لو يوم تشوفك عينى بحس كل هنايا

ولو مرة تبقى بعيد بموت أنا جوايا

كل يوم ياحبيبى مشتاق اشوفك جنبى

حن بقى ياحبيبى وتعال وارحم قلبى

وياك بدأت حياتى وهواك ده أحلى بداية

اوعدنى تفضل جنبى ودايما تبقى معايا

دا أنت كل ماليا شمسى وقمر سمايا

هفضل كده فى هواك دايب لحد النهاية

كل يوم ياحبيبى مشتاق اشوفك جنبى

حن بقى ياحبيبى وتعال وارحم قلبى

PHOTOS

حبيبى

من يوم ماقابلت عينيك
وأنا حاسس ان أنا ليك

طب اقولك ايه ياحبيبى

دا كلامى كله عليك

انت حبيبى وعمرى وروحى قرب منى خفف جروحى

انا محتاجلك آه يامنايا دا أنا أفديك بروحى

من يوم ماخطفنى هواك

مقدرتش يوم أنساك

بحبك آه ياحبيبى

وبحلم أكون وياك

انت حبيبى وعمرى وروحى قرب منى خفف جروحى

انا محتاجلك آه يامنايا دا أنا أفديك بروحى

قابلت كتير قبليك

ملقتش زى عينيك

دى أحلى عيون فى الكون

الله يحفظ ويصون

طب أوصف ايه ولاايه

وأعيش ازاى بعديه

كفاية بس أقول

أنا والله معاك علطول

انت حبيبى وعمرى وروحى قرب منى خفف جروحى

انا محتاجلك آه يامنايا دا أنا أفديك بروحى

لقيت الحبيب

قابلتك لقيتك انت الحبيب *** اوعدنى حبيبى تفضل قريب

لو تحكى نفسى عنك تقول *** حبيبى دا احلى واجمل نصيب

لو يوم تسبنى مكوى بشوقى *** هفضل ليالى تايه غريب

افضل اعد ثانية بثانية *** امتى تهل ريحة الحبيب

مقدرش اسيبك ابدا ياعمرى *** وانت حبيبى اوعى تغيب

انا ليا مين بعدك ياغالى *** من غير مااقول مفيش اكيد

جوايا ليك حب وحنان *** وآهات وشوق علطول شديد

غيرتنى من يوم ماشفتك *** خلتنى اكون انسان جديد

خلتنى احب عمرى وسنينى *** وبقى كل يوم هو عندى عيد

سهرتنى ليلى ياقمرى *** وطول نهارى فى بالى اكيد

كفاية اكون وياك ياعمرى *** ومقدرش ابدا اروح بعيد