نبتدى حكاية

ياريت قلبك يشوف أنا فين
وتدرى باللى جوايا
أنا قصادك فى كل مكان
بحاول تحسى بهوايا
شغلتينى بنظرة عين
وكل مافيكى يامنايا
عيونك وردة بتفتح
وصوتك نبرته تريح
وليكى أحلى ضحكايا
بفوت أشوفك وسطيهم
ملكة وسط الصبايا
بخاف وجودى هنا يضايقك
أو مرة تقولى بكفاية
أنا صابر ليوم مأمول
تكون لينا فيه بداية
يوم أكون قصاد عينك
وتقوليلى نبتدى حكاية
هقولك وقتها ياغالية
حياتى كمليها معايا